ज्येष्ठ नागरिकसम्बन्धी ऐन, २०६३ को दफा ९ मा सार्वजनिक सवारी साधनमा ज्येष्ठ नागरिकका लागि कम्तीमा दुई वटा सिट सुरक्षित राख्नुपर्ने र यातायात भाडा दरमा कम्तीमा ५० प्रतिशत छुट दिनुपर्ने स्पष्ट व्यवस्था छ। तर, कानुनी प्रावधान हुँदाहुँदै पनि अधिकांश ज्येष्ठ नागरिकले सार्वजनिक सवारी साधनमा यो सुविधा नपाएको व्यापक गुनासो मन्त्रालयमा प्राप्त भएपछि मन्त्री बादीको निर्देशनमा यो प्रक्रिया अघि बढाइएको हो।