निरीक्षणका क्रममा डिआइजी सापकोटाले हिरासत कक्ष, कार्यालयका सम्पूर्ण प्रशासनिक तथा प्राविधिक शाखाहरू र कार्यालय परिसरको वस्तुस्थिति अवलोकन गर्नुभएको थियो। सो क्रममा उहाँले कार्यरत प्रहरी कर्मचारीहरूलाई नागरिकमैत्री, चुस्त, दुरुस्त एवं प्रभावकारी सेवा प्रवाहमा केन्द्रित हुन, संगठनको व्यावसायिक मर्यादा जोगाउन, कडा अनुशासन कायम राख्न तथा जिम्मेवारीप्रति पूर्ण जवाफदेही बन्न निर्देशन दिनुभयो। कार्यसम्पादनका क्रममा सदैव सजग, चनाखो र संयमित रहँदै उच्च मनोबल, इमानदारी र व्यावसायिक निष्ठाका साथ खटिन उहाँले मातहतका सुरक्षाकर्मीलाई आह्वान गर्नुभयो।