कालीकोट जिल्लामा पनि यो अभियानलाई पूर्ण रूपमा सफल बनाउन जिल्लाका सबै स्थानीय तह तथा वडाहरूमा आवश्यक तयारी पूरा गरी आज बिहानैदेखि औषधि खुवाउने कार्य सुरु गरिएको छ। स्वास्थ्य सेवा कार्यालय कालीकोटका सूचना अधिकारी कटक महतका अनुसार जिल्लाका ९ वटै स्थानीय तहका तोकिएका वितरण केन्द्र तथा खोप केन्द्रहरूमा महिला सामुदायिक स्वास्थ्य स्वयंसेविकाहरूलाई आवश्यक औषधिसहित परिचालन गरिएको छ। उहाँले विकट भूगोलका कारण कुनै पनि बालबालिका यो महत्त्वपूर्ण अवसरबाट वञ्चित नहोउन् भन्ने उद्देश्यले स्वास्थ्यकर्मी तथा स्वयंसेविकाहरूलाई उच्च सतर्कताका साथ खटाइएको बताउनुभयो। साथै, आफ्ना ६ महिनादेखि ५९ महिनासम्मका बालबालिकालाई नजिकैको केन्द्रमा लगेर ढुक्कसँग भिटामिन ‘ए’ र जुकाको औषधि खुवाउन सम्पूर्ण अभिभावकहरूलाई सूचना अधिकारी महतले विशेष अनुरोध गर्नुभएको छ।