सडक डिभिजन कार्यालय जुम्लाका अनुसार नाग्म–गमगढी–नाक्चेलाग्ना सडक योजनाको ट्र्याक खोल्न १५ करोड रुपैयाँ लागतमा जागृति–रारा तेन्जिङ–नोर्‍याङ जेभीसँग २०८२ जेठ २२ गते सम्झौता भएको थियो। सम्झौताअनुसार २०८४ असार मसान्तभित्र निर्माण सम्पन्न गर्नुपर्ने सडक डिभिजन जुम्लाका प्रमुख इन्जिनियर श्रवणकुमार महताराले जानकारी दिनुभयो। चालु आर्थिक वर्षमा सुर्खेत–गमगढी–नाक्चेलाग्ना सडकका लागि ३० करोड रुपैयाँ विनियोजन गरिएको छ। यद्यपि, विगतका वर्षहरूमा बजेटको न्यून विनियोजन र ढिलासुस्तीका कारण तोकिएकै समयमा काम सम्पन्न हुनेमा स्थानीयवासी संशय व्यक्त गर्छन्।