शुक्रबार बिहान करिब ७ बजे राँचुली क्षेत्रमा एक्कासि ठूलो सुक्खा पहिरो खसेपछि रणनीतिक मानिने कर्णाली राजमार्ग पूर्ण रूपमा ठप्प बनेको थियो। सडक अवरुद्ध हुनासाथ सडक डिभिजन जुम्लाको प्राविधिक टोली हेभी उपकरणसहित तुरुन्तै कार्यक्षेत्रमा खटिएको थियो। टोलीले युद्धस्तरमा पहिरो पन्छाएपछि बिहान ९:४५ बजेदेखि नै अवरुद्ध सडक दुवैतर्फी पूर्ण रूपमा सञ्चालनमा आएको हो। सडक खुलेसँगै पहिरोका कारण रोकिएका दर्जनौँ यात्रुवाहक बस, जिप तथा मालवाहक सवारीसाधनहरू सुरक्षित रूपमा आफ्नो गन्तव्यतर्फ प्रस्थान गरेका छन्।