फलफूल तथा खेलकुद सामग्री वितरण कार्यक्रममा बोल्दै प्रमुख जिल्ला अधिकारी झबिलाल भट्टराईले दिवसका अवसरमा अस्पतालका बिरामी र कारागारका कैदीबन्दीहरूप्रति आत्मीयता दर्शाउन यो कार्यक्रम गरिएको बताउनुभयो। “संविधानले प्रत्येक नागरिकको सम्मानपूर्वक बाँच्न पाउने अधिकार र स्वास्थ्यको हक सुनिश्चित गरेको छ,” प्रजिअ भट्टराईले थप्नुभयो, “अस्पतालमा रहेका बिरामीको शीघ्र स्वास्थ्य लाभको कामना गर्दै र कारागारमा रहेका नागरिकहरूमा पनि सकारात्मक सोचको विकास होस् भन्ने उद्देश्यले फलफूल र बालबालिकालाई खेलकुद सामग्री वितरण गरिएको हो।”