गाउँपालिकाको तर्फबाट प्राप्त सहयोगप्रति आभार व्यक्त गर्दै तिला माध्यमिक विद्यालयका प्रधानाध्यापक दिनेशबहादुर शाहीले हस्तान्तरण गरिएका सामग्रीहरूको सही सदुपयोग गर्ने प्रतिबद्धता व्यक्त गर्नुभयो। “हाम्रा विद्यार्थीहरूको प्रत्यक्ष सिकाइलाई प्रयोगात्मक ढङ्गले निरन्तरता दिन यो पूर्वाधारको उचित र अधिकतम प्रयोग गर्नेछौँ,” प्रधानाध्यापक शाहीले भन्नुभयो, “विद्यालयलाई प्राथमिकतामा राखेर विज्ञान ल्याब र पुस्तकालय हस्तान्तरण गर्नुभएकोमा गाउँपालिका अध्यक्ष खेमबहादुर सिंह, प्रमुख शिक्षा अधिकृत मदनबहादुर शाही, शिक्षा अधिकृत अग्निप्रसाद अधिकारी, वडा नं. २ का वडाध्यक्ष हर्कबहादुर सिंहलगायत सम्पूर्ण गाउँपालिका सरकारप्रति विद्यालय परिवार हार्दिक धन्यवाद प्रकट गर्दछ।”