कालीकोट १६ भाद्र । कर्णाली प्रदेश सरकारको आर्थिक मामिला तथा योजना मन्त्रालयले प्रदेशभरका विभिन्न मन्त्रालय, निर्देशनालय, डिभिजन कार्यालय तथा जिल्लास्थित निकायहरूमा कार्यरत लेखा समूहका कर्मचारीहरूको ठूलो संख्यामा सरुवा तथा जिम्मेवारी हेरफेर गरेको छ। मन्त्रालयको मिति २०८३ साल भदौ १५ गतेको निर्णयानुसार आठौँ तहका प्रमुख लेखा अधिकृत तथा वरिष्ठ लेखा अधिकृतदेखि चौथो तहका लेखा सहायकसम्मका ४३ जना कर्मचारीहरूको सरुवा सूची सार्वजनिक गरिएको हो।