काठमाडौँ १५ भाद्र । विपद्को यस विषम घडीमा प्रधानमन्त्री दैवी प्रकोप उद्धार कोषको नाममा नक्कली क्यूआर कोड तथा नक्कली बैंक खाता विवरण प्रयोग गरी अनधिकृत रूपमा रकम संकलन र ठगी भइरहेको पाइएपछि नेपाल राष्ट्र बैंकले सर्वसाधारणका लागि सतर्कता अपिल जारी गरेको छ। केन्द्रीय बैंकको भुक्तानी प्रणाली विभागले मिति २०८३ भदौ १५ गते एक सार्वजनिक सूचना जारी गर्दै उद्धार कोषमा सहयोग रकम जम्मा गर्दा विशेष ध्यान दिन र सचेत रहन आग्रह गरेको हो।