कालीकोट– महाबै गाउँपालिकाको पाद्मगाडमा अध्यक्ष कप तथा तेस्रो पाद्मगाड मेला आजबाट संचालन हुने भएको छ । समाज कल्याण युवा मञ्चको आयोजना र गाउँपालिकाको सहयोगमा मेलाको आयोजना हुने भएको हो । मेलामा अन्तरपालिका स्तरिय महिला तथा पुरुष भलिबल र बिभिन्न साँस्कृतीक कार्यक्रम हुने भएका छन् ।
खेलकुदको विकास गर्न र स्थानीय कलासाँस्कृतीको जगेर्ना गर्न मेलाको आयोजना गरिएको महाबै गाउँपालिका अध्यक्ष खेम बहादुर सिंह भिजनले बताउनु भयो । २०५६ सालबाट प्रत्येक बर्ष कार्तिक २७ गते मेलाको आयोजना हुदै आएको छ ।
