कालीकोट १८ भाद्र । तिलागुफा नगरपालिका नगर अस्पताल व्यवस्थापन समितिका अध्यक्ष एवं नगर प्रमुख शंकरप्रसाद उपाध्यायको अध्यक्षतामा नगर अस्पताल व्यवस्थापन समितिको बैठक सम्पन्न भएको छ। बैठकमा नगर अस्पतालको स्वास्थ्य सेवालाई अझ प्रभावकारी, गुणस्तरीय र व्यवस्थित बनाउनेसम्बन्धी विभिन्न महत्त्वपूर्ण निर्णयहरू गरिएका छन्।
सोही अवसरमा नगर अस्पतालमा नवनियुक्त डाक्टर अप्सरा हमाललाई औपचारिक रूपमा स्वागत गरिएको छ। नगर अस्पतालमा डाक्टरको व्यवस्थापन भएसँगै अब स्थानीय नागरिक तथा बिरामीहरूले आफ्नै नगरबाट थप सहज, नियमित र प्रभावकारी चिकित्सकीय सेवा प्राप्त गर्ने भएका छन्।
“स्वस्थ नागरिक, समृद्ध तिलागुफा” को संकल्पलाई साकार पार्न स्वास्थ्य सेवाको गुणस्तरमा सुधार गर्दै सर्वसाधारणलाई सहज र सर्वसुलभ स्वास्थ्य सेवा उपलब्ध गराउने कार्यमा नगरपालिका निरन्तर क्रियाशील रहने प्रतिबद्धता व्यक्त गरिएको छ।
