कालीकोट २९ असार । कालीकोटको सान्नी त्रिवेणी गाउँपालिका वडा नम्बर ६ स्थित पोरीवन भुवाइपाट घट्टमा माथिबाट अचानक पहिरो खस्दा दुई जना स्थानीय बासिन्दा च्यापिएको दुःखद खबर आएको छ।
अविरल वर्षाका कारण कमजोर बनेको भिरालो जमिनमाथिबाट खसेको पहिरोले घट्ट क्षेत्रलाई पुरेको र त्यहाँ रहेका दुई जना नागरिक पहिरोको चपेटामा परेको प्रारम्भिक सूचना प्राप्त भएको हो। घटनाको पूर्ण विवरण र क्षतिबारे थप जानकारी आउन बाँकी छ।
भौगोलिक विकटता र प्रतिकूल मौसमका कारण तत्काल उद्धारमा कठिनाइ हुन सक्ने भएकाले घटनास्थलमा तुरुन्तै उद्धार टोली र राहत सामग्री परिचालन गर्न स्थानीय सरकार, जिल्ला प्रशासन कार्यालय तथा सुरक्षा निकायसँग जोडदार माग गरिएको छ। पहिरोमा परेका नागरिकहरूको ज्यान जोगाउन स्थानीय बासिन्दाहरूलाई समेत चनाखो रहँदै उद्धारमा जुट्न अपील गरिएको छ।
