सुर्खेत/डोल्पा  १९ असार। धेरै अगाडि नै निर्माण सम्पन्न भइसक्नुपर्ने राष्ट्रिय गौरवको आयोजना ‘भेरी–बबई डाइभर्सन’ लाई अब ढिलो नगरी तत्काल अगाडि बढाउने प्रयास स्वरूप ऊर्जा, जलस्रोत तथा सिँचाइ मन्त्रालयले फिल्डमै पुगेर विशेष सक्रियता देखाएको छ। आयोजनाको प्रगति र चुनौतीबारे सरोकारवालाहरूको उपस्थितिमा विस्तृत प्रस्तुति र सार्वजनिक सुनुवाइ गरिए लगत्तै मन्त्रालयको टोलीले स्थलगत निरीक्षण गरेको हो। ऊर्जा मन्त्री, जनप्रतिनिधि, सिँचाइ विभाग, आयोजनाका कर्मचारी, निर्माण कम्पनी र स्थानीय बासिन्दासँग फिल्डमै बसेर नतिजामुखी विमर्श गरिएको छ।