पञ्चदेव माध्यमिक विद्यालयको यो ऐतिहासिक उपलब्धिलाई विद्यालयको पुरानो विरासतसँग जोडेर हेरिएको छ। साविक कर्णाली अञ्चलकै पहिलो उच्च माध्यमिक विद्यालयका रूपमा परिचित पञ्चदेव माविले विगतदेखि नै शैक्षिक क्षेत्रमा अग्रणी भूमिका खेल्दै आएको छ। सामान्य शिक्षामा मात्र नभई पछिल्ला वर्षहरूमा प्राविधिक तथा व्यावसायिक शिक्षामा समेत विद्यालयले उल्लेखनीय प्रगति गर्दै आएको यस नतिजाले पुष्टि गरेको छ।