प्रजिअ सुयलको यो सकारात्मक सन्देशले आगामी दिनमा आन्तरिक तथा बाह्य पर्यटकहरूलाई आकर्षित गर्नुका साथै ओझेलमा परेको कर्णालीको साहसिक पर्यटन क्षेत्रमा निजी क्षेत्र र ठूला लगानीकर्ताहरूको ध्यान खिच्ने स्थानीयबासीले विश्वास लिएका छन्।  प्रजिअ सुयलले साेमबार कर्णाली नदी रहेकाे लालिघाट क्षेत्रमा पुगेर डिएसपी हिम बहादुर खत्री, काेष तथा लेखा अधिकृत टंक थापा , सहायक प्रजिअ जनक शर्मा  र स्थानीय युवा दमन बहादुर शाही संग नहाउदै रमाउदै गरेकाे फाेटाे सामाजिक संजाल फेसबुकमा पाेष्ट गर्दै  पर्यटकीय सम्भावनाकाे उजागर गरेका हुन् ।