राजनीतिक नेतृत्वका अतिरिक्त सामाजिक र शैक्षिक क्षेत्रको प्रतिनिधित्व सुनिश्चित गर्न जुविथा, चिल्खाया र फोइमहादेवका माध्यमिक विद्यालयका वि.व्य.स. अध्यक्ष तथा प्रधानाध्यापकहरू, शिक्षक प्रतिनिधि राई बहादुर शाही, विकास साझेदार गैरसरकारी संस्थाका प्रमुख, नागरिक समाज, बजार व्यवस्थापन समिति, बाल सञ्जाल, महिला सञ्जाल तथा अपाङ्ग सञ्जालका प्रमुख एवं प्रतिनिधिहरूलाई समेत बैठकमा उपस्थितिका लागि अनुरोध गरिएको छ। “कृषि, शिक्षा, स्वास्थ्य, पर्यटन र सञ्चार: समुन्नत तिलागुफाको लागि सबल स्थानीय सरकार” भन्ने मूल नाराका साथ आयोजना हुन लागेको यस बैठकबाट आउने सुझावहरूले नगरको आगामी बजेटको प्राथमिकता निर्धारण गर्न महत्त्वपूर्ण भूमिका खेल्ने विश्वास नगरपालिकाले लिएको छ।