अन्तरक्रियामा कर्णाली प्रदेशका बहुपक्षीय सरोकारवालाहरूको व्यापक सहभागिता रहेको थियो। कार्यक्रममा कर्णाली प्रदेश सभाका सामाजिक विकास समिति सभापति माननीय पूर्ण बहादुर खत्री, मुख्य न्यायाधिवक्ता कृष्ण बहादुर हमाल, प्रदेश सभाका सचिव डा. अर्जुन कुमार खड्का, र मुख्यमन्त्री तथा मन्त्रिपरिषद्को कार्यालयका सचिव निधिराज न्यौपानेको उपस्थिति रहेको थियो। यसैगरी सुरक्षा निकायका तर्फबाट कर्णाली प्रदेश प्रहरी कार्यालयका प्रमुख प्रहरी नायव महानिरीक्षक जयराज सापकोटा र जिल्ला प्रहरी कार्यालय सुर्खेतका प्रमुख ठाकुर प्रसाद पोखरेल लगायत अन्य अधिकृतहरूको सहभागिता थियो।