यता सोही विषयमा आफ्नो धारणा राख्दै नगर उपप्रमुख गणेश बहादुर शाहीले शिक्षा अधिकृतमाथि हातपात वा दुर्व्यवहार नगरिएको दाबी गरेका छन् । उपप्रमुख शाहीका अनुसार नगरपालिकाको शिक्षा शाखाले वार्षिक बजेटको २२ प्रतिशत पनि खर्च गर्न नसकेको, शिक्षा क्षेत्रतर्फ ठुलो परिमाणमा बेरुजु आउने गरी काम गरेको र आवश्यक कागजपत्र समेत पेश नगरी स्थायी शिक्षकहरूको तलब काटेर बेरुजु असुल गर्ने जस्ता गैरजिम्मेवार कार्य गरेकाले आफूले सोधपुछ मात्र गरेको स्पष्ट पारेका छन् । विद्यालयका बालबालिकाहरूको दिवा खाजाको रकम निकासा नगरिएको, सङ्घीय अनुदानको महत्त्वपूर्ण बजेट फ्रिज गराइएको र अहिलेसम्म सेनेटरी प्याड समेत खरिद नगरेर लापरबाही गरिएकाले आफू नियमनकारी भूमिकाको हैसियतले शिक्षा अधिकृतको कार्यकक्षमा पुगेर काम किन नभएको भनी जवाफ मागेको उपप्रमुख शाहीको भनाइ छ ।