सडक अवरुद्ध हुँदा बुधबार बिहानैदेखि तीन सयभन्दा बढी यात्रु र एक सयभन्दा बढी सवारी साधन बाटोमै अलपत्र परेका छन्। कालीकोटका प्रहरी प्रमुख डिएसपी हिमबहादुर खत्रीका अनुसार, तीन किलोमिटर सडक क्षेत्रमा लेदो बगेकाले पहिरो पन्छाउन निकै कठिनाइ भइरहेको छ। सडक खुलाउन बुधबार बिहानैदेखि डोजर परिचालन गरिएको भए पनि निरन्तरको वर्षाका कारण काम अघि बढ्न सकेको छैन। वर्षा नरोकिएसम्म सडक तत्काल सञ्चालन हुने सम्भावना नरहेको डिएसपी खत्रीले जानकारी दिएका छन्।