जानकी टेक्नोलोजी प्रा.लि.: ३५००१ मा SMS पठाएर।

एम्बिसन गुरु प्रा.लि.: ३१०६१ मा SMS पठाएर।

२. वेबसाइट मार्फत: नतिजा विस्तृत रूपमा हेर्नका लागि बोर्डले आधिकारिक वेबसाइटहरू तोकेको छ:

www.see.gov.np

www.neb.gov.np

www.see.ntc.net.np यसका साथै कान्तिपुर पब्लिकेसन्स, इडियु सञ्जाल, आईएमई पे, र खल्ती जस्ता निजी क्षेत्रका पोर्टलहरूबाट पनि नतिजा हेर्न सकिने व्यवस्था मिलाइएको छ।

नयाँ निर्देशिका अनुसार यसपटकको मूल्यांकन प्रणालीमा महत्त्वपूर्ण परिवर्तन गरिएको छ:

न्यूनतम ३५ प्रतिशत अनिवार्य: विद्यार्थीले प्रत्येक विषयको सैद्धान्तिक परीक्षामा न्यूनतम ३५ प्रतिशत अंक ल्याउनै पर्नेछ। ३५ प्रतिशतभन्दा कम अंक ल्याउने विद्यार्थीको नतिजामा ‘NG’ (Non-Graded) उल्लेख हुनेछ।

माथिल्लो कक्षामा भर्ना हुन नपाइने: ग्रेड सिटमा ‘NG’ आउने विद्यार्थीहरूले कक्षा ११ मा भर्ना हुन पाउने छैनन्। उनीहरूले प्रमाणपत्र पाउनका लागि ग्रेड वृद्धि परीक्षा दिनुपर्नेछ।

५०-५० को मूल्यांकन: नतिजामा विद्यालयले पठाएको ५० प्रतिशत आन्तरिक मूल्यांकन र बोर्डले लिएको ५० प्रतिशत अन्तिम परीक्षाको अंकलाई समायोजन गरिएको छ। तर, दुवैमा तोकिएको न्यूनतम ग्रेड (आन्तरिकमा ‘C’ र सैद्धान्तिकमा ‘D’) अनिवार्य गरिएको छ।

कुनै दुई विषयसम्म ‘NG’ आएका विद्यार्थीहरूका लागि बोर्डले तत्कालै ग्रेड वृद्धि परीक्षा सञ्चालन गर्नेछ। तर, दुईभन्दा बढी विषयमा ३५ प्रतिशत अंक पुर्‍याउन नसक्ने विद्यार्थीहरूले भने अर्को वर्ष सबै विषयको परीक्षा पुनः दिनुपर्नेछ।

राष्ट्रिय परीक्षा बोर्डले यो व्यवस्थाले विद्यार्थीको सिकाइ स्तर र शैक्षिक गुणस्तरमा सुधार ल्याउने विश्वास लिएको छ। नतिजा सार्वजनिक भएलगत्तै माथि उल्लेखित वेबसाइटहरूमा आफ्ना सिम्बोल नम्बर र जन्ममिति प्रविष्ट गरी नतिजा हेर्न सकिनेछ।