परीक्षालाई निष्पक्ष, मर्यादित र भयरहित वातावरणमा सम्पन्न गर्नका लागि सुरक्षा व्यवस्था निकै कडा पारिएको छ। कालीकोटका प्रमुख जिल्ला अधिकारी गोकर्ण राज सुयलले सबै परीक्षा केन्द्रहरूमा पर्याप्त सुरक्षाकर्मी परिचालन गरिएको र शान्ति सुरक्षाको अवस्था व्यवस्थित रहेको बताउनुभयो। उहाँले विद्यार्थीहरूलाई ढुक्क भएर परीक्षा दिने वातावरण मिलाइएको र परीक्षामा अमर्यादित गतिविधि हुन नदिन निगरानी बढाइएको समेत जानकारी दिनुभयो।