जिल्लाको शुभकालिका, सान्नीत्रिवेणी, तिलागुफा र खाँडाचक्रका विभिन्न स्थानमा छरिएर रहेका यी देवलहरू मध्यकालीन खस सभ्यताका उत्कृष्ट नमुना हुन्। ढुङ्गा मात्रै खप्ट्याएर बनाइएका यी देवलहरूलाई स्थानीय रूपमा पाण्डवहरूले निर्माण गरेको विश्वास गरिन्छ।

कसरी पुग्ने: मान्म आसपासका देवलहरू पैदल यात्रामा र अन्य स्थानीय तहका देवलहरू कर्णाली राजमार्गबाट ग्रामीण सडक हुँदै पुग्न सकिन्छ।

कालीकोट र बाजुराको सिमानामा समुद्री सतहबाट ४,२०० मिटर उचाइमा रहेका २२ वटा विशाल घाँसे मैदान (पाटन) लाई “धर्तीको स्वर्ग” भनिन्छ। धार्मिक आस्थाको केन्द्र बडिमालिका मन्दिर र यहाँको अनुपम प्राकृतिक दृश्यले जोकोहीलाई मोहित तुल्याउँछ।

कसरी पुग्ने: सान्नीत्रिवेणी वा रास्कोटबाट पैदल यात्रा सुरु गरी करिब २ देखि ३ दिनको ट्रेकिङपछि यो क्षेत्रमा पुग्न सकिन्छ।

खाँडाचक्र नगरपालिका–७ (साविक दाहा) मा रहेको यो क्षेत्र सशस्त्र द्वन्द्वकालको ऐतिहासिक युद्धस्थल हो। यहाँ युद्ध स्मारक, संग्रहालय र पार्क निर्माण गरी ‘युद्ध पर्यटन’ (War Tourism) को रूपमा विकास गरिएको छ।

कसरी पुग्ने: कर्णाली राजमार्गमै पर्ने यो ठाउँ मान्म जिरोप्वाइन्टबाट गाडीमा करिब ३०-४० मिनेटमै पुग्न सकिन्छ।

कालीकोट र दैलेखको सिमानामा ४,१६८ मिटरको उचाइमा अवस्थित महाबु लेक धार्मिक र प्राकृतिक दुवै दृष्टिकोणले महत्वपूर्ण छ। यहाँ भगवान शिवको प्रसिद्ध मन्दिर छ, जहाँबाट मुगुको रारा ताल, अपी र सैपाल हिमालका साथै सुदूरपश्चिमका धेरै जिल्लाहरू नाङ्गो आँखाले देख्न सकिन्छ।

कसरी पुग्ने: मान्मबाट सडक र पैदल यात्रा हुँदै वा दैलेख खण्डको सडक मार्ग प्रयोग गरी यहाँ पुग्न सकिन्छ।