नगरपालिकाले गरिरहेको आर्थिक शोषणको पुष्टि निवेदकले पेश गरेका यी तथ्यहरूले गर्छन्: थापा ट्रेडर्स (२० लाख पुँजी): उद्योग तथा उपभोक्ता हित संरक्षण कार्यालयले रु. २०० मा नवीकरण गरेको छ । बोहरा किराना र कर्णाली इन्फोटेक (५-१० लाख पुँजी): खाँडाचक्र नगरपालिकाले १५ गुणा बढी अर्थात् रु. १,५०० असुल गरेको छ । प्रजिअ सुयलको निर्देशनलाई चुनौती यस विषयमा स्थानीय व्यवसायी मनिराज पाण्डेले प्रमाणसहित प्रमुख जिल्ला अधिकारी गोकर्णराज सुयलज्यू समक्ष उजुरी दिएका थिए । प्रजिअ सुयलले नगरपालिकालाई उक्त असुलीको कानुनी आधार माग गर्दै पत्र काटे पनि नगरपालिकाले हालसम्म कुनै जवाफ नदिनुले स्थानीय प्रशासन र कानुनको खिल्ली उडाएको छ।