प्रशासनले तिहारको परम्परागत देउसी–भैलो कार्यक्रम राति १० बजेसम्म मात्र सञ्चालन गर्न पाउने समयसीमा तोकेको छ। त्यसैगरी अनुमतिप्राप्त व्यवसायीले मात्र बेलुकी ९ बजेसम्म मदिराजन्य पदार्थ बिक्री वितरण गर्न पाउने र मेला, जात्रा तथा महोत्सवहरू स्थानीय तहको सिफारिसमा जिल्ला प्रशासन कार्यालयको पूर्वस्वीकृति लिएर बिहान ९ देखि बेलुका ८ बजेसम्म मात्र सञ्चालन गर्न निर्देशन दिएको छ। चाडपर्वको बहानामा पटका, आतिसबाजी, भुइँचम्पाजस्ता विष्फोटक पदार्थको उत्पादन, आयात, ओसारपसार, बिक्री तथा प्रयोगमा पूर्ण प्रतिबन्ध लगाइएको छ। साथै जुवातास, कौडा, सट्टेबाजी, अनलाइन ठगी तथा कालोबजारी, अस्वाभाविक मूल्यवृद्धि, म्याद नाघेका अखाद्य वस्तु बिक्री र कृत्रिम अभाव सिर्जना नगर्न कडा निर्देशन गरिएको छ।