स्थानीय आवश्यकता र सेवा प्रवाहलाई सँगै जोडेर हेर्नका लागि कार्यक्रममा गाउँपालिकाका स्वास्थ्य, शिक्षा, आन्तरिक लेखापरीक्षण (आलेप), कृषि र पशु शाखाका प्रमुखहरूको उपस्थिति रहेको थियो। यसै गरी स्थानीय तहमा न्याय र सामाजिक सन्तुलन कायम राख्न क्रियाशील मेलमिलाप सहजकर्ता, आमा समूहका प्रतिनिधि, द्वन्द्व प्रभावित नागरिक, स्थानीय सर्वसाधारण तथा किसानहरूको पनि अर्थपूर्ण सहभागिता थियो। शिक्षा र आर्थिक क्षेत्रको प्रतिनिधित्व गर्दै विद्यालय व्यवस्थापन समितिका प्रतिनिधि, शिक्षक, उद्योगी व्यवसायी र सञ्चारकर्मीसहित कुल ३५ जनाको उपस्थितिमा कार्यक्रम सञ्चालन भएको थियो।