नागरिकको समय र खर्चको बचत नगर प्रमुख धर्मराज शाहीले संघीयताको मर्म अनुसार नागरिकलाई घरदैलोमै सेवा पुर्‍याउन यो पहल गरिएको बताउनुभयो। सेवा शुभारम्भ कार्यक्रममा पहिलो सेवाग्राही बन्नुभएकी रास्कोट–१ स्थित भावना जनरल स्टोरकी प्रोप्राइटर सरिता सिम्खाडा (चौलागाईँ) ले खुसी व्यक्त गर्नुभयो। “यसअघि प्यान बनाउन जुम्ला जाँदा ३ दिन समय र करिब १० हजार रुपैयाँ खर्च हुन्थ्यो, अब आफ्नै नगरपालिकामा सेवा पाउँदा ठूलो राहत मिलेको छ,” उहाँले भन्नुभयो।