जिल्ला प्रहरी कार्यालय कालीकोटका अनुसार भाद्र २१ गते अपराह्न ५:२० बजे खाँडाचक्र नगरपालिका ७ र ८ को सिमानास्थित पिली र बिर्तामोडको बीचमा पर्ने रातोपहाडा क्षेत्रमा ५ देखि ७ मिटरसम्म सडक तल भासिएको छ। यसअघि भाद्र २० गते रातिदेखि नै शुभकालिका–१ स्थित गगने खाेलामा पहिरोका कारण अवरुद्ध सडक खुलाउन सकिएकाे छैन । अत्यधिक वर्षाका कारण एस-मोडमा ठूला चट्टान खसेको छ भने पिली क्षेत्रमा लेदो र गेग्रानले सडकको बेस नै बगाएको छ। यस्तै नाग्म–गमगढी सडक खण्डको पिना–झ्यारी–ताल्चा क्षेत्र पनि पूर्ण रूपमा ठप्प छ।