कार्यविधिले बीमालेख सक्रिय हुने अवधि (Waiting Period) सम्बन्धी स्पष्ट नियम तोकेको छ। नयाँ आबद्धताको हकमा भुक्तानी गरिएको महिनालाई आधार महिना मानी त्यसपछिको एक महिना ‘वेटिङ पिरियड’ रहनेछ र तेस्रो महिनाको १ गतेदेखि मात्र बीमा सुविधा लागू हुनेछ। उदाहरणका लागि, असारमा भुक्तानी गरेमा साउन महिना पर्खाइको अवधि रहनेछ र भदौ १ गतेदेखि सेवा लिन सकिनेछ। तर नियमित रूपमा म्याद सकिनुअगावै नवीकरण गर्ने बीमितको हकमा भने यो पर्खाइको अवधि लागू हुने छैन।