विभागले प्रत्येक महिनाको १ र १६ गते स्वचालित (लकी ड्र) प्रणालीबाट विजेता छनोट गर्नेछ। दैनिक विजेता हुने उपभोक्ताले जनही १ लाख ३३ हजार ३ सय ३४ रुपैयाँ पाउनेछन् भने पाक्षिक रूपमा छानिने एक जना बम्पर विजेताले सोझै १० लाख रुपैयाँ नगद उपहार जित्नेछन्। उपहारको रकममा नियमानुसार २५ प्रतिशत आकस्मिक लाभकर कट्टी गरी विजेताको बैंक खातामा सोझै रकम जम्मा गरिनेछ। विजेताले १५ दिनभित्र सक्कल बिल र परिचयपत्रसहित आन्तरिक राजस्व कार्यालयमा दाबी नगरेमा सो रकम प्रधानमन्त्री दैवी प्रकोप उद्धार कोषमा जम्मा हुने कार्यविधिमा उल्लेख छ।