प्रहरीको प्रारम्भिक विवरण अनुसार अनियन्त्रित भएको उक्त गाडी सडकबाट करिब ४०० मिटर तल खसेर कर्णाली नदीमा पूर्ण रूपमा डुबेको छ। तीव्र गतिमा भइरहेको खोजी तथा उद्धारका क्रममा भिरमा अड्किएको अवस्थामा फेला परेका एक जना नाम, थर र वतन नखुलेका पुरुषलाई उद्धार गरी सडकतर्फ ल्याउने कार्य भइरहेको छ। नदीमा गाडी डुबेकाले थप यात्रुहरू हुनसक्ने आशंकामा प्रहरी टोलीले नदी आसपास र पानीभित्र समेत खोजी कार्यलाई तीव्रता दिएको छ। दुर्घटना सम्बन्धी अन्य थप विवरण आउन बाँकी रहेको प्रहरीले जनाएको छ।