स्थानीय तहहरूमा सामाजिक क्षेत्रको विकास र सुशासन प्रवद्र्धनका लागि नियमित रूपमा आयोजना हुँदै आएको यस बैठकले सुदूरपश्चिमको सामाजिक धरातललाई थप बलियो बनाउने उद्देश्य राखेको छ। बैठकमा मुख्यतया महिनावारीलाई हेर्ने दृष्टिकोणमा परिवर्तन ल्याई त्यसलाई मर्यादित बनाउने (मर्यादित महिनावारी), सामाजिक विकासका आयामहरूलाई नीतिगत रूपमा सम्बोधन गर्ने र हिंसा पीडित महिला तथा बालबालिकाको सुरक्षाका लागि अनिवार्य मानिएको ‘सेफ हाउस’ को प्रभावकारी सञ्चालनबारे विस्तृत छलफल भएको अभियान्ता पशुपती कुवरले बताउनु भयाे।