एमाले केन्द्रीय कार्यालय सचिव डा. भीष्म अधिकारीद्वारा जेठ ४ गते हस्ताक्षरित पत्र अनुसार, बागमती प्रदेशमा क. परितोष पौडेललाई तीन दलको साझा उम्मेदवार बनाइएको छ। अन्य प्रदेशहरूमा भने निर्वाचन निर्विरोध सम्पन्न भइसकेको पत्रमा उल्लेख छ। एमालेले आफ्ना मातहतका कमिटीहरूलाई अन्य सरोकारवाला पक्षहरूसँग आवश्यक समन्वय गरी साझा उम्मेदवारलाई विजयी गराउन निर्देशन समेत दिएको छ।

नियामक निकाय (सहकारी विभाग) ले दलीय राजनीतिले सहकारीको मर्म र सुशासन समाप्त पार्ने चेतावनी दिइरहँदा, देशका प्रमुख राजनीतिक दलहरूले नै सहकारी बैंकको नेतृत्व हत्याउन दलीय भागबन्डा र प्यानल निर्माणलाई तीव्रता दिएका छन्। यसले सहकारी क्षेत्रलाई राजनीतिक पकडबाट मुक्त राख्ने कानुनी प्रयास र स्वायत्तताको सिद्धान्तमाथि ठुलो चुनौती थपेको विज्ञहरू बताउँछन्।