सम्बोधनका क्रममा प्रहरी कार्यसम्पादन र त्यसको मूल्याङ्कनलाई वस्तुनिष्ठ बनाइने र उत्कृष्ट काम गर्नेहरूलाई प्रोत्साहन गरिने समेत उहाँले उल्लेख गर्नुभयो। विशेष गरी ग्रामीण क्षेत्रमा हुने अपराध नियन्त्रण, अवैध कारोबारको निगरानी र सवारी दुर्घटना न्यूनीकरणका लागि सक्रिय भएर खटिन उहाँले निर्देशन दिनुभएको छ। भौतिक रूपमा उपस्थित भएका र भर्चुअल माध्यमबाट जोडिएका विभिन्न जिल्लाका प्रहरी प्रमुख तथा मातहतका युनिटहरूलाई सम्बोधन गर्दै उहाँले सुरक्षा चुनौतीहरूको सूक्ष्म विश्लेषण गरी नागरिकले सुरक्षाको महसुस गर्ने गरी काम गर्न निर्देशन दिनुभएको हो।