कालीकोटः – प्रतिनिधि सभा तथा प्रदेश सभा निर्वाचनका लागि आवश्यक पर्ने मतपत्र नेपाली सेनाले सुरक्षित बुधबार साँझ कालीकोट पुगाएको छ । निर्वाचन आयोगले काठमाडौं देखि कालीकोट सम्म ठुलो ट्रकमा मतपत्र कालीकोट पुगाएको हो । प्रतिनिधि सभा समानुपातीक तर्फ ८९ हजार, प्रतिनिधि सभा प्रत्यक्ष तर्फ ८९ हजार मतपत्र कालीकाेट पुगेकाे छ । त्यस्तै प्रदेश सभा क प्रत्यक्ष ३९ हजार र समानुपातीक तर्फ ४० हजार र प्रदेश सभा ख का लागि प्रत्यक्ष तर्फ ५० हजार र समानुपाती ५१ हजार मत पत्र प्राप्त भएका छन् । अस्थायी मतदाताका लागि २ हजार गरी कुल ३ लाख ६० हजार मतपत्र कालीकोट आइपुगेको मुख्य निर्वाचन अधिकृत भरत लम्सालले बताउनु भयो । कालीकोटमा ८० हजार ७ सय ३३ मतदाता छन् ।
