प्रहरीका अनुसार गत जेठ २७ गते साँझ अन्दाजी २०:३० बजेको समयमा सान्नित्रिवेणी गाउँपालिका वडा नं. ९ स्थित सुपेचौर गोरेटो बाटोमा शाही मृत अवस्थामा फेला परेका थिए। घटना लगत्तै प्रहरीले थालेको प्रारम्भिक अनुसन्धानबाट मृतकै परिवारका सदस्यहरूको संलग्नता रहेकाे खुलेको छ। शाहीकै १८ वर्षीय छोरा रूपेश शाही र उनकी ४१ वर्षीया श्रीमती राजकला शाहीले सोही मिति र स्थानमा टाउकोमा ढुङ्गाले प्रहार गरी मारेको अनुसन्धानबाट खुल्न आएको प्रहरीले जनाएको छ।