अस्पतालमा ओपीडी सेवाका लागि छुट्टै र आधुनिक भवन बनेपछि बिरामीहरूले सहज र छिटो छरितो सेवा पाउने अपेक्षा गरिएको छ। मुख्यमन्त्री कँडेलले निर्माण कार्यलाई तोकिएको समयमै र गुणस्तरीय ढङ्गले सम्पन्न गर्न निर्देशन दिनुभएको छ। भवन निर्माण सम्पन्न भएपछि प्रदेश अस्पतालको विद्यमान साँगुरो पूर्वाधारको समस्या हल हुने र विशेषज्ञ सेवाहरू थप व्यवस्थित हुने विश्वास लिइएको छ।