खेमराज देवकोटा, नमराज सुवेदी, कृष्णकला पाण्डे लगायतका स्थानीयहरूको हस्ताक्षरसहित बुझाइएको ज्ञापनपत्रमा भौगोलिक दूरी, सडक सञ्जाल र व्यावहारिक कठिनाइलाई ध्यानमा राखी सेवा यथावत् रूपमा जिल्ला प्रशासन कार्यालय मान्मबाटै उपलब्ध गराइदिन अनुरोध गरिएको छ।

ज्ञापनपत्रमा भनिएको छ, “रास्कोट इलाका प्रशासन कार्यालय जानु सान्नी त्रिवेणी १, २ र ३ का सेवाग्राहीलाई निकै सास्ती हुने देखिएको छ। त्यसैले मान्मबाटै सबै सेवा सुचारु गरी जनमैत्री सुशासनको अनुभूति दिलाउन माग गर्दछौँ”।

सरकारले प्रशासनिक सेवा विकेन्द्रीकरण गर्ने क्रममा स्थानीयको सुविधालाई बेवास्ता गरेको भन्दै स्थानीयहरूले यो निर्णय नसच्चिएसम्म सङ्घर्ष जारी राख्ने चेतावनी समेत दिएका छन्।