समीक्षाका क्रममा सांसद शाहीले कर्मचारीहरूलाई इमान्दार र सक्रिय भएर जनताको सेवामा खटिन निर्देशन दिनुभयो। “भौगोलिक विकटता र जनशक्तिको अभाव छ, तर उपलब्ध स्रोत साधनको अधिकतम प्रयोग गरी विकासको प्रतिफल नागरिकको घरदैलोसम्म पुर्‍याउनु अहिलेको मुख्य आवश्यकता हो,” उहाँले भन्नुभयो। आर्थिक वर्षको अन्तिम समय नजिकिँदै गर्दा बजेट फ्रिज हुन नदिने र गुणस्तरीय काम गर्ने विषयमा उहाँले कार्यालय प्रमुखहरूको विशेष ध्यानाकर्षण गराउनुभएको छ।