कार्यालयले आफ्नो क–२.६ विविध खातामा गत आर्थिक वर्षहरूदेखि आम्दानी बाँधिदै आएको तर हालसम्म कसको हो भन्ने खुल्न नसकेको १ करोड ५२ लाख ८४ हजार ७ सय ५२ रुपैयाँ मौज्दात रहेको फेला पारेको छ। यसैगरी कार्यालयको क–२.३ धरौटी खातामा समेत नामनामेशी नखुलेको १९ लाख ५६ हजार ३ सय ३९ रुपैयाँ अलपत्र अवस्थामा रहेको पाइएपछि कोलेनिकाले यसलाई पारदर्शी बनाउन सक्रियता देखाएको हो। यो केवल रकमको खोजी मात्र नभई सरकारी सम्पत्तिको रक्षा गर्ने र प्रशासनिक बेथिति अन्त्य गर्ने सरकारको एक अत्यन्तै जिम्मेवार अभ्यासका रूपमा देखिएको छ।