जिल्ला आँखा उपचार केन्द्र कालीकोटको स्थानमा आयोजना हुने यो शिविर आगामी २०८३ वैशाख १४ गतेदेखि सुरु भई १६ गतेसम्म चल्नेछ। शिविरमा मोतिविन्दुका बिरामीहरूको पहिचान गरी उनीहरूको निःशुल्क शल्यक्रिया गरिने आयोजकले जनाएको छ। आर्थिक अवस्था कमजोर भएका र अस्पतालसम्म पहुँच नभएका ग्रामीण क्षेत्रका नागरिकहरूलाई घरदैलोमै विशेषज्ञ स्वास्थ्य सेवा उपलब्ध गराउने उद्देश्यले यो कार्यक्रम ल्याइएको हो।