साथै, आगामी Commission on the Status of Women (महिलाको अवस्थासम्बन्धी संयुक्त राष्ट्रसंघीय आयोग) बैठकमा महिनावारी विभेदको विषयलाई महत्वपूर्ण रूपमा उठाउने प्रतिबद्धता जनाएकोमा अमेरिकाका लागि नेपालका राजदूत तथा संयुक्त राष्ट्रसंघका स्थायी प्रतिनिधिको टोलीलाई उनले धन्यवाद पनि व्यक्त गरेकी छन्।

अधिकारकर्मीहरूको भनाइमा महिनावारी प्राकृतिक जैविक प्रक्रिया भए पनि त्यससँग जोडिएको विभेदले महिलामाथि सामाजिक, मानसिक तथा संरचनात्मक हिंसा बढाइरहेको छ। इनिसा बहिनीको घटना त्यसैको पीडादायी उदाहरण भएको उनीहरूको निष्कर्ष छ।

महिनावारी विभेद अन्त्य गर्न राज्य, समुदाय, विद्यालय र परिवार सबै तहमा सचेतना अभिवृद्धि गर्दै व्यवहार परिवर्तनका कार्यक्रम आवश्यक रहेको अधिकारकर्मीहरूले बताएका छन्।