निर्वाचन कानुनअनुसार समानुपातिकतर्फ कम्तीमा ३ प्रतिशत मत ल्याउने दल मात्र सिट पाउन योग्य हुने व्यवस्था रहेको छ। यस पटक उक्त थ्रेसहोल्ड पार गर्दै ६ वटा राजनीतिक दल मात्रै संसदमा प्रवेश गरेका छन्।

आयोगले प्रतिनिधि सभा सदस्य निर्वाचन ऐन, २०७४ तथा सम्बन्धित नियमावलीअनुसार अब दलहरूलाई तीन दिनभित्र समानुपातिक सांसदको नाम सिफारिस गर्न पत्राचार गरिएको जनाएको छ।

आयोगका सहसचिव तथा प्रवक्ता नारायण प्रसाद भट्टराईले जारी गरेको विज्ञप्तिमा कानुनी प्रक्रिया पूरा गरी दलहरूले नाम पठाएपछि अन्तिम रुपमा समानुपातिक सांसद घोषणा गरिने उल्लेख गरिएको छ।