सुर्खेत, २३ कार्तिक । चाडपर्वका समयमा हुन सक्ने सवारी दुर्घटना न्यूनीकरण गर्न, सडक सुरक्षा कायम राख्न र यात्रुहरूको सहज आवागमन सुनिश्चित गर्न ट्राफिक प्रहरी उच्च सतर्कताका साथ मैदानमा खटिनुपर्नेमा जोड दिइएको छ। नेपाल प्रहरी राजमार्ग सुरक्षा तथा ट्राफिक व्यवस्थापन कार्यालय कर्णाली प्रदेश सुर्खेतका प्रमुख प्रहरी उपरीक्षक (एसपी) मुकुन्दप्रसाद रिजालले मातहतका ट्राफिक प्रहरी कमान्डरहरूलाई चाडपर्व लक्षित विशेष सुरक्षा योजना कार्यान्वयन गर्दै यात्रु सहायतामा सक्रिय रूपमा जुट्न निर्देशन दिनुभएको हो।